डाएटिंग म्हणजे उपासमार अशी एक सर्वसामान्य समजूत असते. तसे मुळीच नाही. अनेकदा डाएट म्हणून काहीतरी भलतेच, महागडे, परदेशी पदार्थ सुचविले जातात. वजन कमी करणे हाच केवळ डाएटचा उद्देश नसतो. खरेतर वजन किंवा चरबी कमी करणे हा डाएटचा आणि जीवनशैलीतील  बदलांचा फक्त एक भाग असतो. किंवा असे म्हणूयात की तो योग्य जीवनशैलीचा अपरिहार्य परिणाम असतो. आपले डाएट हे आपण लहानपणापासून जे खात आलोय त्याच्याशी मिळतेजुळते हवे. आपल्या आवडी निवडी, गुणसूत्रे, आपल्या कामाचे स्वरूप याच्याशी त्याचा मेळ हवा.